Агын аймагай Б-Б.Намсараевай нэрэмжэтэ номой сангай үүсхэлээр “В судьбе природы – наша судьба” гэһэн түһөө түсэб бэелүүлэгдэнэ. Мартын 10-да К.Базарсадаевай нэрэмжэтэ Агын хүүгэдэй искусствын һургуули соо Будалан нютагай зон олоороо суглараа.
Үзэсхэлэндэ дэлгээгдэһэн бүтээлнүүд.
Хэмжээ ябуулгын эхиндэ “Будалан” хүдѳѳ һууринай захиргаанай толгойлогшо Батор Жаргалов ба “Будалан” агрокооперативай түрүүлэгшэ Очир Дугаров бултаниие Сагаан һараар амаршалаад, Экологиин жэлдэ зорюулһан хэмжээ ябуулга нээгээ. Майн 1-дэ “Экологический десант” гэһэн гаршаг доро нютагай нангин шүтѳѳнэй газарнуудые, уһа голнуудые нобшо ноохойһоо арилгаха, булагуудые хорёолхо, Агын дасанай Галсан багшые залажа, арюудхалгын уншалгануудые бүтээхэ хэмжээ ябуулга түсэблэгдэнхэй. Энэ хэрэг ябуулгада мүнгэнэй гарша ехэхэн байха гээд тэмдэглэгдээ, апрелиин 30 болотор мүнгэн татагдаха. Агрокооператив ба захиргаан табатаба мянган түхэриг үргэһэн байна, тиигээд нютагайхидаа эдэбхитэйгээр хабаадахыень хүтэлбэрилэгшэд уряалаа.
Ага тосхон дээрэ ажаһуудаг, Будалан нютагһаа гарбалтай үндэр наһатан Б.Жаргалов, К.Юмсунова ба энэл нютагһаа гарбалтай аад, мүнѳѳ Ага тосхон дээрэ үндэр тушаалнуудые эзэлдэг зон хэмжээ ябуулгада хабаадаа.
Дэлгэрэнгыгээр 11-дэхи дугаарта.
