Түнхэнэй аймагай түб Хэрэн һууринда байгаали хамгаалгын асуудалнуудта зорюулагдаһан суглаан болобо.
Амарха ба бэеэ аргалуулха зорилготойгоор хаа хаанаһаа мянга түмэн зоной ерэжэ байдаг хүүрхэй хэбэрэг байгаалиие бүрин бүтэн үлѳѳхын хажуугаар аймагай экономико хүгжѳѳхэ ёһотой болоно. Суглаа хүтэлһэн Түнхэнэй уласай байгаалиин сэсэрлигэй директор, Россиин габьяата эколог В.Е.Гулгонов «Түнхэндэ арюун һайхан байгаалияа, сэбэр уһаяа бүрин зандань үлѳѳжэ шадаагүй һаамнай, манда зон ерэхэеэ болихо» гэхэһээ эхилээд, суглаанда хэлсэбэ. Суглаанда хабаадагшад зоной экологическа гэгээрэлэй асуудалнуудта онсо тогтоһон байна. Бог хаядаһа хуряалгын, болбосоруулгын асуудалнууд ехэ шухала болоод байна. Ажаһуудалай үдэр бүриин асуудалнуудые шиидхэхэдэнь, зондо яажа туһалхаб? Ой тайгаяа хайшан гэжэ түймэрһѳѳ, браконьернүүдһээ аршалхаб? гэхэ мэтэ хүндүүлхэй болоһон асуудалнууд суглаан дээрэ табигдажа, шиидхэхэ арга хэмжээнүүд хараалагдаба.
Түнхэн нютаг хадаа Буряадай байгаалиин эгээл һайхан булангуудай нэгэн, гансашье Буряадһаа бэшэ, хаа-хаанагүй газар нютагуудһаа аяншад, бэеэ аргалуулха дуратай зон ерэжэ байдаг.
Дэлгэрэнгыгээр 11-дэхи дугаарта.
