Энэ хэмжээ ябуулгын урда тээ үнэмшэлгэ барюулгын ёһололой хэмжээндэ Баир Баясхаланович 75 наһаяа гүйсэһэн Үбэр Байгалай хизаарай Хуули байгуулгын Суглаанай депутат, Агын Буряадай тойрогой Түлѳѳлэгшэдэй суглаанай түрүүлэгшын орлогшо Даши Дугаровые аша габьяа харуулжа хүдэлһэнэйнь түлөө Россиин Федерациин Зүблэлэй медаляар шагнаба.
Удаань Сенатор Баир Жамсуев иимэ үнэмшэлгэ «Центр развития бурятской культуры» эмхиин директор Сэсэг Норполовада барюулаа.
2017 ондо Федерациин Зүб-лэл эд хамгаалгаар асуудалнуудые анхарал дороо абаhан байна.
«Улаан-Үдэ хотын наймаада «Агын» гэһэн нэрэ гаршаг доро муу бууза наймаална. Энээнhээ Агын буузын бренд унана. Бидэ өөhэдынгөө эд хамгаалха ёhотойбди», - гэжэ Баир Жамсуев жэшээ хэрэглэн хэлээ. 2019 ондо энэ асуудалаар Федерациин Зүблэл заhабаринуудые нэмэжэ оруулhан байна. Тиигэжэ Россиин Федерациин Роспатент «Агинские национальные костюмы», «Тооробшо агинских бурят» гэhэн 2 үнэмшэлгэ гаргаа. «Эдэ үнэмшэлгэнүүд Агын нэрэ гаршаг хамгаалха юм. Агын бренддэ хүрөөгүй hаань, бидэ гомдолоо мэдүүлхэ аргатай болонобди», - гээд сенатор Баир Жамсуев тэмдэглээ.
