Тус заһабарилгада нютаг зон, эмхи зургаанууд хубитаяа оруулжа, мүнгэн зөөреэр туһалха аргатай юм.
2021 оной февраль һарада «Ага тосхон» хотын тойрогой Дүүмын шиидхэбэреэр энэ сквертэ түргэн туһаламжын врач, коронавирус үбшэнтэй тэмсэжэ ябаһаар наһа бараһан Ирина Дугаровагай нэрэ олгуулагдаһан юм.
Сугларһан мүнгэн баримал хүшөө бүтээлгэ, һарабша (беседка) заһабарилга ба шэрдэлгэ, тротуарна плиткэнүүдые һэлгүүлгэ, сквер гэрэлтүүлгэ гэхэ мэтэ ажалнуудта гаргашалагдаха ха. Хүшөөгэй эскизыень Россиин Федерациин хүндэтэ архитектор, Агын Буряадай автономито тойрогой габьяата барилгашан, «Мастера Аги» ниитэ эмхиин түрүүлэгшэ Болот Дондоков зохёоно. Гадна сквер заһабарилха үүсхэл гаргаһан бүлэгэй гэшүүн Юлия Раднажабоной 2021 оной залуушуулай слёдой хэмжээндэ шүүһэн грантын ашаар тэндэ һандалинууд тодхогдохоор түсэблэгдэнхэй.
Хэрбэеэ эдэ ажалнуудай хэгдэбэл, поликлиникын урда тээ оршодог талмай болбосон түхэлтэй боложо, нюдэндэ урин болохо һэн.
Долгор РАДНАБАЗАРОВА.
