«Аврора» авиакомпаниин самолёдууд долоон хоногой 2 дахин ниидэхэ. Владивостогой Уласхоорондын аэропорт Примориин хизаарай ажаһуугшадые аяншалуулхын тула Россиин регионууд руу ниидэлгын зам үргэдхэһөөр юм. Примориһоо ниидэлгэ зунай расписанида хараалагдана», - гэжэ аэропортын сайт соо толилогдонхой.
Владивосток хотын аэропортһоо Улаан-Үдэ руу түрүүшын ниидэлгэ августын 19-дэ түсэблэгдэнхэй. Тэндэһээ самолёдоор ниидэгшэд Буряад ороной ниислэл хото 4 часай туршада хүрэхэ аргатай.
Рейснүүд Airbus А319 янзын бизнес-классай самолёдуудаар понедельник, четвергдэ үнгэргэгдэхэ. «Байкал-Daily» газетын мэдээсэһээр, энэ рейс Улаан-Үдын хүн зониие хөөрсэгэнүүлээ, юуб гэхэдэ нэгэ хэды часай туршада 50 билет худалдагдаһан байна.
«Аврора» авиакомпаниин самолёт Шэтэ руу августын 18-һаа ниидэжэ эхилхэ. Харгыдань 3 час 35 минута саг ошохо. Самолёт Владивостогһоо средада 22:00 сагта болон субботодо 19:50 минутада гараха юм.
Н.ЖАМБАЛОВА.
