Ород Уласай Федеральна Суглаанай Гүрэнэй Дүүмын 8-дахи зарлалай депутадта кандидадуудые бүридхэлгэ августын эхиндэ түгэсөө гээд түб һунгуулиин комисси мэдээсэнэ.
Үбэр Байгалай хизаарта Гүрэнэй Дүүмэдэ депутадуудые һунгахаһаа гадна үшөө хэдэн һунгалта болохо: Шэтэ хотын Октябрьска нэгэ мандатна һунгуулиин тойрогойхин хизаарай парламентда депутадые һунгаха, тиихэдэ олон тоото муниципальна һунгалтанууд эмхидхэгдэхэ гээд хизаарай һунгуулиин комисси дуулгана.
Сентябриин 17-19-дэ Гүрэнэй Дүүмэдэ депутадуудые һунгагша бүхэндэ хоёр бюллетень барюулагдаха: нэгэниинь федеральна тойрогоор бюллетень, хоёрдохинь Шэтын 43-дахи гү, али Дагуурай 44-дэхи нэгэ мандатна тойрогоор бюллетень. Агын тойрогойхин Дагуурай 44-дэхи нэгэ мандатна тойрогоор бүридхэлдэ ороһон долоон кандидадай нэгэндэнь дуугаа үгэхэ болоно.
Бүхыдөө 14 политическэ нам Дүүмэдэ депутадуудые һунгалтада хабаадаха тухайгаа мэдүүлэнхэй.
Дарима БАЗАРОВА.
