Тус хуудаһануудые үмсын хэрэг эрхилэгшэ Валентина Богданова хэблэнэ. Урда тээнь дуугаа үгэлгын хуудаһануудай түхэл маяг Ород Уласай түб һунгуулиин комисси баталһан байгаа.

   Түб һунгуулиин комиссида жээрэб татаһанайнгаа гуримаар политическэ намууд бэшэгдэхэ, харин нэгэ мандатна һунгуулиин тойрогуудаар депутадта кандидадуудай обогууд алфавидай гуримаар һубариха.

   Дуугаа үгэлгын хуудаһанай утань 420 мм, үргэниинь - 297 мм. Тэдэниие хэблэхэ ажаябуулгые эхинһээнь эсэс хүрэтэр хизаарай һунгуулиин комиссиин гэшүүд хаража, хинажа байха юм. Бүхыдөө Шэтын ба Дагуурай тойрогуудаар 820700 хуудаһан бэлдэгдэхэ. Иимэ тоо бүридхэлдэ абтаһан һунгагшадай 2021 оной январиин 1-эй баримтануудһаа гаргагдаһан байна.

   Дарима БАЗАРОВА.