«Номин» сэсэрлиг Үбэр Байгалай хизаарай губернаторай конкурсын 500 мянган түхэригэй грант шүүhэн байна. Гурбан бүлэгэй хүүгэдэй наададаг талмай бүхэндэ сарай, машина, элhэнэй хайрсаг хэгдээ.
«Сарай доро хүүгэд дуратайгаар шатар наадана, зураг зурана, хатаран дуулалдана. Газаа хүүгэдтэеэ наадаха, сэнгэхэ булантай болоhондоо бидэ урматайнууд байнабди», - гээд сэсэрлигэй хүмүүжүүлэгшэд тэмдэглэнэ.
Сарайнууд санитарна эрилтын журамаар бодхоогдоо юм.
«Уларилнай шэрүүн, ехэнхидээ хүйтэн байхаяа hанадаг. Сарайнууд баригдажа, ехэ тааруу болоо. Хүүгэд газаа гаража наадаха, сэбэр агаарааршье амилха болоно», - гээд сэсэрлигые даагша Нина Жамьянова тэмдэглэнэ hэн.
Валентина ЦЫРЕНЖАПОВА.
