Дулдаргын аймагай Тугшан нютагай номой сан соо Чойпол (Денис) ламатай 10-11-дэхи ангинуудай һурагшадтай уулзалга эмхидхэгдээ.
Шэрээтэ Содбо лама (баруун талаһаа), Чойпол лама, Бата лама, Жимба лама Сагаан һарын хуралнуудай үедэ.
Чойпол лама Энэдхэг гүрэнэй, хубарагуудай, ламанарай ажабайдал тухай ехэл һонирхолтойгоор хөөрэжэ үгөө.
1981 ондо Тугшан нютагта алтан дэлхэйн шарай хараһан Денис Дашидондоков (Чойпол лама) Энэдхэгтэ оршодог Гоман дасанда - ламын дээдэ һургуулида 12 жэлэй туршада һуража, буддын шажанай гүн ухаанай эрдэм шудалжа, габжын зиндаатай боложо ябана. Тэрэ Сагаалганай урда тээ Тугшан нютагаа ерэжэ, нютагайнгаа дасанай жиндагуудай жэлэй зурхай үзэжэ, Сагаан һарын хуралнуудые хуралсажа, уншалгануудые бүтээлсэжэ, ехэ буянта хэрэг үйлэдѳѳ.
Нютагайнгаа сэбэр агаараар амилжа, түрэл гаралтаяа, үетэн нүхэдтэеэ, нютагайхидтаяа уулзажа, сэдьхэлээ ханажа, һургуулияа дээшэлүүлхэеэ Энэдхэгээ орохонь.
Дэлгэрэнгыгээр 14-дэхи дугаарта.
