Тугшанай урагшаа һанаатай, 1973 ондо түрэһэн эдэбхитэй хүбүүд, басагад нютагайнгаа дасан Ганжуур номтой болгохо түсэб табижа, мүнгэ татажа эхилээ бэлэй.
Дасандаа элдэб оёдол бүтээжэ, үргэжэ байдаг багшын ажалай ветеран Долгор-Цырен Цыбенова Минжит Дулмажапова хоёр нютагайнгаа зонһоо мүнгэ суглуулжа, ехэ хубитаяа оруулаа.
Улаан-Үдэ хотодо ажаһуудаг, Ивалгын дасанай гэсхы ябаһан Юмсэн лама (Юрий Доржиев) баһал Тугшан тоонто нютагтай, Ганжуур номуудые оложо үгэхэ арга бэдэржэ, ехэ оролдолго гаргаһан байна. Улаан-Үдэдэ ажаһуудаг меценат Баясхалан Намсараев унаа оложо, Ганжуур номуудые эльгээхэ хэрэгтэ туһа хүргѳѳ.
Мартын 26-ай үдэр Шэтэ хотодо ажаһуудаг Сэмжидма Бальжитовагай Владимир нүхэртэеэ Ганжуур асаржа ерэхэдэнь, нютагаймнай дасанай шэрээтэ Содбо ламхай, Жимба (Бэлигто) лама ехэ баяртайгаар угтажа байба. Хадагуудые, хүжэ бариһан нютагай үндэр наһатан, жэлээ оруулаад байһан тахяа жэлтэн сэнтэй номуудые угталсаба.
Дэлгэрэнгыгээр 14-дэхи дугаарта.
