Хизаарай амбан захирагша Александр Осипов албан хэрэгээр Агын аймаг ба Ага тосхон ерэжэ, барилгын, үйлэдбэриин объектнүүдээр, фермерскэ ажахынуудаар хүрэжэ, ажал хэрэгүүдтэйнь дүтөөр танилсаа.
Агын аймагай «Урда-Ага» нютагта «Комплексное развитие сельских территорий» гэһэн гүрэнэй программаар заһабарилгын ехэ хүдэлмэринүүд ябуулагдана. Нютагай дунда һургуулида, интернадта, тамирай, соёлой байшануудта, хүүгэдэй сэсэрлигтэ һэльбэн шэнэдхэлгын хүдэлмэринүүд хэгдэнэ. Александр Осипов барилгын подрядчигуудтай, засагай зургаануудай хүтэлбэрилэгшэдтэй уулзажа, шиидхэгдээгүй асуудалнуудаар һонирхоо. Удаань Урда-Ага һууринай Хотогор гэжэ газарта оршодог Баир Балжимаевай таряашанай-фермерскэ ажахын байдал хараа. Амидхаашада Тимур Тучиновай нэрэмжэтэ тамирай байшан хүрөө, Ага тосхондо нооһоор эд нэхэдэг цехэй нээлгэдэ хабаадалсаа, Агын голой эрье бүхэлэлгын барилга хараа, эрдэм һуралсалай, социальна удха шанартай байшануудта хүрэһэн байна.
Эрдэни ЧИМИТДОРЖИЕВ. Авторай фото.
