Илалтын һайндэрэй үедэ Агын багшанарай училищиин байшанда Советскэ Союзай Баатар Базар Ринчиногой дурасхаалай самбар тодхогдоо.
Базар Ринчино Агын багшанарай училищида 1931-1934 онуудта багшалһан байна. Тиихэ үедөө өөрыгөө алишье талаһаа һайнаар харуулжа, суг хүдэлһэн нүхэдэйнгөө, оюутадай дунда хүндэтэй ябаһан.
Хожом тэрэнэй нэрэ багшанарай тус училищида олгуулагдаһан байна. Мүн Улаан-Үдын, Агын, Сагаан-Уулын, Могойтын гудамжанууд Баатарай нэрээр нэрлэгдэһэн юм. Тойрогой засаг зургаан нэрыень мүнхэлжэ, дүрэ буляалдаата барилдаагаар мүрысөө жэл бүри эмхидхэдэг гээшэ.
Хэмжээ ябуулгада сенатор Баир Жамсуев, тойрогой Захиргаанай хүтэлбэрилэгшэ Буянто Батомункуев, Агын багшанарай училищиин ажалтад, оюутад, багшын ажалай ветеранууд олоороо хабаадаа.
Б.Ринчиногой зээнсэр Виктор Баиров самбар нээгээ. Агын багшанарай училищиин ажалтад ба оюутад хэмжээ ябуулга шэмэглэжэ, дуу дуулаа, хатараа.
Эрдэни ЧИМИТДОРЖИЕВ.
