Забайкалиин дэбисхэр дээрэ талын ба ойн түймэрэй ехээр һүжэрхэдэ, хизаарай губернатор Наталья Жданова апрелиин 4-дэ онсо байдалай тогтоол гаргаа.
Тогтоолой үндэһөөр, ой модо хамгаалха ба аршалха талаар хизаарай оперативна штаб байгуулагдаа. Апрелиин 4-һөө хойшо хагда ногоо шатаахагүй, ой руу ябалга хоригдобо, полициин хүдэлмэрилэгшэд, ойн ажахынуудай ажалтад түхэреэн сүүдхын туршада ой харууһалжа эхилбэ. Ажаһуугшадай ой руу орохогүйн тула олондо мэдээсэл тараадаг хэрэгсэлнүүдээр дамжуулха, харгын хажуугаар баннер үлгэхэнь шухала. Нютагуудай захиргаануудай толгойлогшонор нютагтаа онсо байдалай гарабал, дары усадхаха, үгы һаа хизаарай МЧС-эй оперативна дежурна руу хонходохо уялгатай. Хэрбээ эрхэтэд онсо байдалай үедэ ой соо ябажа гү, али түүдэг ба бусад гал носоожо байгаа һаа, юрын хүн - 4, тушаалтай зон - 25, юридическэ нюур 50 мянган түхэригэй ялада унаха. Хуули хазагайруулагшадта Забайкалиин хизаарай хуулиин, гүрэнэй КоАП-ай яланууд тохогдохо.
Дэлгэрэнгыгээр 15-дахи дугаарта.
