Мүрысөөндэ Кировэй нэрэмжэтэ, «Победа» СПК-нууд, «Догой», «Зугаалай», «Сагаан-Уула», «Хүһөөшэ» хүдөө һуурингууд – хамта 6 можо хабаадаа.
1600 метрэй зайда 2 наһатай гүүнүүдэй дунда Победа СПК-гай «Ростислав» (һоригшонь – Доржо Жалсараев), энэл зайда 2-той азаргануудай хоорондо баһал энэ ажахын «Федерация» (һоригшонь – Рабдан Цыденов) түрүүлээ. Агын Буряадай тойрогто түрэһэн гурбатай ба 3-тайһаа дээшэ наһанай бүлэгтэ Догойн «Галимхан» (һоригшонь – Буда Батоев) 1-дэхи һуури эзэлээ. Забайкалиин ба буряад үүлтэрэй 2-той морид сооһоо Кировэй нэрэмжэтэ СПК-гай «Торпедо» (һоригшонь – Эрдэни Норбосамбуев), 4000 метрэй зайда 4-тэй ба 4-тэйһөө дээшэ наһанай холимол үүлтэрэй морид соо Догойн «Франкель» (һоригшонь – Доржи Батоев), 2400 метрэй зайда 3 наһатай моридой дунда Зугаалайн «Оренбург» (һоригшонь – Зоригто Банзаракцаев) 1-дэхи һуури эзэлээ. 2000 мянга метрэй зайда жэлтэй дааган моридой хоорондо Сагаан-Уулын «Кондор» (һоригшонь – Балдан Дашицыренов) илаа. 1800 метрэй зайда 3-тай ба дээшэ наһанай бүлэгтэ сэбэр үүлтэрэй моридой дунда Ага-Хангилай «Таб-рис», 1200 метрэй зайда 3-тай ба 3-тайһаа дээшэ наһанай холимол моридой дунда Ага-Хангилай «Бунчук» (хоюуланайнь һоригшо – Очир Пагмаев) түрүүлээ бшуу.
Мүрысөөнэй дүнгүүдээр, можонуудай хоорондо түрүүшын һуури Ага-Хангилай можо эзэлээ, 2-дохи һуурида хара-шэбэрэйхид гараа, 3-дахида – догойнхид.
Могойтын аймагай захиргаанай Ехэ шангай түлөө 8000 метр зайда 4-тэй ба 4-тэйһөө дээшэ наһанай забайкалиин ба буряад үүлтэрэй моридой дунда Хүһөөшын Алтан Тобшо (һоригшонь – Баир Батомункуев) илаһан байна.
Нордоп БАБУЕВА.
