Эндэ hая Агын аймагай захиргаанай экономикын хорооной түрүүлэгшэ Зельда Лхасарановатай ба комиссиин гэшүүд «Социальный контракт» гэhэн түлэблэлөөр ажал хэжэ байhан бүлэнэрэй гэрээр ябажа, ажабайдалаарнь hонирхобо.
Ажаhуугшадай социальна талаар хамгаалгын таhагай мэдээсэhээр, 2021 ондо Агын аймагай 155 ажаhуугшад үмсын хэрэг эрхилхэеэ гүрэнэй түлэблэлөөр мүнгэ абаhан байна. Тиигэжэ 16 сая мүнгэн гаргашалагдаhан юм.
Жэшээлбэл, Амидхааша hууринда ажаhуудаг бүлэ тусхай станогуудые наймааhаа абажа, түмэрөөр элдэб хэрэгсэлнүүдые hиилэжэ худалдадаг болоhон байна. Yшөө нэгэ бүлэ hайн үүлтэрэй тахяануудые худалдажа абаhан байгаа. Тэдэ гүрэнэй түлэблэлөөр мүнгэ абахадаа, дальбараануудые гаргаха инкубатортай болоо hэн. Yшөө нэгэ айл гэрээ залгажа томо болгоходоо, тэрэ залгалта соогоо мини-пекарниин хэрэгсэлнүүдые абажа зохёоhон байгаа. Тиигэжэ амтатайхан тортнуудые болгожо худалдадаг юм.
Комиссиин тэмдэглэhээр, түлэблэлөөр мүнгэндэ хүртэhэн бүлэнэр хэжэ байhан ажалаа эдэбхитэйгээр ябуулжа байhандаа урматайнууд байгаа юм. Мүнөө жэл Агын аймагай 150 ажаhуугшад социальна контрактын туhаламжада хүртэhэн байна.
Валентина ЦЫРЕНЖАПОВА.
