Монголой засаг зургаан Улаан-Баатар хото түблэн ударидаха байдал болюулжа (децентрализация), спутник-хотонуудые ба хүнэй байха аймагуудые байгуулха зорилго табинхай. Августын 12-һоо Хушиг хүндыдэ шэнэ хотын инженернэ инфраструктура барилгын ажалнууд эхилээ.
- Мүнөөдэр Хушиг хүндыдэ шэнэ хотын барилга эхилбэбди. Тиигээд «Новая политика восстановления» гэһэн түблэн ударидаха байдал болюулха экономическа зонын хэмжээндэ Засагай газар Дархан-Уул, Орхон, Үмнэговь, Үбэр Хангай ба түб хотын Багануур ба Налайх аймагууд шадар зоной байха гэрнүүдэй барилга үргэлжэлүүлхэ, инфраструктурын орёо асуудалнуудые усадхаха, үмсын ба уласхоорондын инвестицинүүдые хабаадуулха эрхэ хуулиин бааза байгуулхые шиидхэхэбди. Хушиг хүндын ганса зоной байдаг шэнэ аймаг болохо бэшэ, харин экономикын тусхай зоно ба ашаа унаагай ба логистическэ тусхай уулзуур болохо аргатай. Зоной байдаг шэнэ аймагые тойроод, түмэр харгы гараха, - гэжэ Монголой премьер-министр Лувсаннамсрайн Оюун-Эрдэнэ хэлэһэн байна.
«Монцамэ» гэжэ мэдээсэлэй агентствын элидхэһээр, Монгол гүрэн 1980 онһоо шэнэ хотонуудые баряагүй. Тиигэжэ 40 жэлэй удаа шэнэ хотын инженернэ инфраструктура баригдажа эхилээ.
- Мүнөө жэл барилгын түсэбөөр, гүрэнэй бюджедтэ 30 млрд түгриг оруулагданхай. Аэропортын урда зүгтэ 5 худагһаа инженернэ һужаа, гадна 35 кВт хүсэнэй электро-дамжуулгын лини баригдажа эхилээ. Түлэблэл бэелүүлгэ түргэдүүлхэ зорилготойгоор Засагай газар ерэхэ жэл гүрэнэй бюджедһээ шата шатаар 200 миллиард тугриг һомолхо түсэбтэй, - гэжэ Хото барилгаар яаманай министр Б.Мунхбаатар тэмдэглээ.
«Таван Богд» бүлэгэй президент Ц.Баатарсайханай хэлэһээр, үйлэдбэринь эндэ завод барихаяа байна, тэндэ 4000 хүнэй ажалай һуури байгуулагдаха.
Эгээн түрүүн Хушиг хүндын шэнэ аймагта 35 мянган хүн нютагжаха. 2040 ондо энэ аймаг 150000 ажаһуугшадтай болохоор хүлеэгдэнэ. Соёлой, һуралсалай, эмнэлгын ба экономикын ажаябуулгатай эрхимээр тааралдуулан, олзын хэрэг, аяншалга, үйлэдбэри болон хангалгын оршон хүгжөөхэ юм.
Августын 10-да Засагай газарай зүблөөнэй үедэ Улаан-Баатарай түблэн ударидаха байдал болюулха хэмжээндэ гүрэнэй зарим эмхинүүдые Хушиг хүнды руу зөөлгэхэ шиидхэбэри абтаа.
Нордоп БАБУЕВА.
