Тойрогой Захиргаанда малшад, малай аргашад сугларжа, дүршэл абалгын семинарта хабаадаа.
Хүдөө ажахын мэргэжэлтэд мяхалиг үүлтэрэй эбэртэ бодо мал олошоруулха, үүлтэртэ ажал хүгжөөхэ талаар мэдэсэеэ үргэдхөө. Хизаарай Хүдөө ажахын министерствын мэргэжэлтэд, аграрна институдай эрдэмтэ багшанар уригдажа, малшадта лекцинүүдые уншаа. Мүнөө сагта мяхалиг үүлтэрэй эбэртэ бодо мал олоор үсхэбэрилжэ, мяха, һү, арһыень абажа, үйлэдбэридэ, эдеэ хоолдо хэрэглэхэ шухала болонхой. Һүүлэй жэлнүүдтэ тойрогой хүдөө ажахынуудай хүтэлбэрилэгшэд малай шуһа холижо, үүлтэр һайжаруулха гэжэ оролдодог. Казаах малаан, симментал, герефорд, галловей г.м. үүлтэрэй үнеэдые ба бухануудые абана. Үүлтэртэ малай түл бүрин бүтэн абажа, бүдүүн мал болоторнь тэжээхэ шухала гэжэ малшад һайнаар ойлгодог. Малшадта зуун үнеэнһээ наян хоёрһоо үсѳѳн бэшэ тугал абаха зорилго табигданхай. Хэзээшье эдихэ хоолойнь шанарта анхаралаа хандуулха шухала байна.
Дэлгэрэнгыгээр 16-дахи дугаарта.
