Мүрысөөндэ тойрогой, Шэтын, Дарһанай, Бооржын 200 тамиршад буужа ерэһэн байна. Түрүүшын үдэр 136 эдиршүүл хабаадаа. Тэдээн сооһоо 11 хүрэтэр наһатай басагадай дундаһаа Агын ДЮСШ-гай Номин Бальжинимаева 1-дэхи һуури эзэлээ, 2-дохи, 3-дахиие – Агын СШОР-ой Цыцыгма Намдакова болон Будаланай ДЮСШ-гай Нарана Дымбрылова. Энэл наһанай бүлэгтэ хүбүүдэй хоорондо Ага тосхоной Жэгдэн Будажапов түрүүлээ, 2-дохи һуури Шэтын Максим Петров эзэлээ. Һүүлшын 3-дахи һуурида Ага тосхоной Тамир Балдоржиев гараа бшуу.
18 хүрэтэр наһатай басагадай хоорондо булта шэтынхид шангай гурбан һууринуудта хүртэбэд. Хэд бэ гэбэл: Мария Маккавеева, Мария Гурулёва, Марина Андреева гэгшэд. Хүбүүдэй дундаһаа Ага тосхоной түлөөлэгшэд – Кирилл Дугаров ба Жигжит Жапов түрүүшын һууринуудта хүртэһэн байна. 3-дахи һуурида Шэтын Аюр Цэдашиев гараа.
Хоёрдохи үдэрынь эхэнэрнүүд ба бүhэтэйшүүл хаба шадалаа туршалсаа. 18-39 наһатай бүлэгтэ Ага тосхоной Туяна Будаева түрүү һуури эзэлээ. Шэнэ Орловскын Наталья Чиченёва ба Дулдаргын Цындыма Цырендоржиева 2-дохи ба 3-дахи болоо юм.
40-59 наһатай эхэнэрнүүдэй хоорондо шэтынхид – Марина Мартемьянова ба Ирина Юнусова тус тустаа 1-дэхи, 3-дахи һууринуудта хүртэбэд. Ага тосхоной Дарима Балданова 2-дохи һуурида гараба.
60-60-һаа дээшэ наһатай эхэнэрнүүдэй дундаһаа Орловскын Татьяна Иванова эрхим теннисистка байһанаа харуулба. Удаадахи һууринуудые могойтынхид – Дарима Базарова Норжима Эрдынеева хоёр эзэлээ бшуу.
40 хүрэтэр наһанай бүлэгтэ шангай һууринуудта хүртэһэн бүһэтэйшүүлые нэрлэбэл, Будаланай Денис Шойжилов, Ага тосхоной Солбон Базаров, Шэтын Андрей Потапкин болоно.
40-һөө дээшэ наһанай бүhэтэйшүүлһээ Шэтэ хотын Чингис Цыдаев илалта туйлаа. Агын Баирто Гуродармаев 2-дохи, Могойтын Игорь Ким 3-дахи болоо юм.
60-һаа дээшэ наһанай бүлэгтэ Агын тамиршад – Баясхалан Дамдинов ба Баир Гомбоев тус тустаа 1-дэхи, 3-дахи һууринуудта гараа. Шангай 2-дохи һуури Шэтын Николай Ящук эзэлһэн байна.
70-һаа дээшэ наһатай бүһэтэйшүүлэй дундаһаа Ага-Хангилай Цыден Бутитов оройлоо. Υзөөнэй Дондок Мижитдоржиев 2-дохи, Агын Дашинима Цыденов 3-дахи болоо.
Абсолютна абаргые элирүүлгын мүрысөөндэ Солбон Базаров, Денис Шойжилов гэгшэд 1-дэхи, 2-дохи һууринуудые эзэлээ, эхэнэрнүүдэй хоорондо – Наталья Чиченёва ба Туяна Будаева. Гадна Батор Жамсаранов ба Юлия Поляковада – «Эгээл эдир хабаадагша», Дашинима Цыденов Цырегма Дагбаева хоёрто «Эгээл наһатай хабаадагша» гэһэн тусхай шангууд барюулагдаа.
Цымжидма ДОЛГОРОВА.
