Тэрэнэй хэмжээндэ ноябриин 21-эй үдэр ювелир, уран барималша, Буряад Уласай Уран зураашадай холбооной, Италиин оружейнигүүдэй гильдиин гэшүүн Жигжит Баясхаланов Амидхаашын дунда һургуулиин ахалагша ангинуудай һурагшадтай уулзажа, хөөрэлдөө хэһэн байна.
Тэрэ ажаябуулга тухайгаа тодорхойгоор хөөрөөд, уран бүтээлнүүдтэеэ танилсуулһан видеофильм харуулаа. Һурагшад Жигжит Баясхалановта элдэб асуудалнуудые табижа, харюунуудые абаа, түрэл һургуулияа ходо орожо, мастер-класс, семинар үнгэргэжэ, лекцинүүдые уншажа байхыень хүсэһэн байна. Нэгэ үгөөр, үхибүүд ехэ һонирхолтой уулзалгаһаа далижанги үлэбэ.
Долгор РАДНАБАЗАРОВА.
