Тойрогой Захиргаанай хүтэлбэрилэгшын орлогшо Солбон Цыренов зүблөө хүтэлөө. Тэрэ зүблөөнэй эхиндэ аяншалга хүгжөөлгын байдал тушаа тодорхойгоор хөөрөө.
   Байгша ондо тойрогой амаралгын газарнуудые харахаяа, нангин шүтөөнэй гуламтануудые бараалхахаяа холо ойроһоо зон ябаа. Үнгэрэгшэ жэлтэй зэргэсүүлхэдэ, зургаан хубяар аяншалагшад олоор ябаһан байна. Бүхыдөө 60 мянга гаран аяншалагшад тойрог хараа. Тэдэ элдэб нютагуудһаа ерэнэ: Үбэр Байгалай хизаар, Буряад Улас, Эрхүүгэй можын Усть-Ордагай тойрог, Красноярск, Москва хотонууд гээд тоолохо болоо һаа, угаа олон.
   Хизаарай экономическа хүгжэлтын сайдай орлогшо Юлия Иванова зүблөөндэ хабаадалсаа. Тойрогто аяншалгын талаар олзын хэрэг ябуулдаг Бато Цыренжапов, Баяржаб Дугаров, Долгоржаб Жалсараева, Намжилма Эрдынеева, Саян Ганжипов ба бусад зон хэжэ байһан ажал хэрэгүүд, шиидхэгдээгүй асуу-далнууд тухайгаа хөөрэжэ үгэһэн байна.

You have no rights to post comments