Улаан-Баатар хотын “Буянт-Ухаа” танхим соо “Mongolia Open-2017” гэһэн дүрэ буляалдалгын барилдаагаар ехэ удха шанартай уласхоорондын мүрысөөн апрелиин 29-30-да үндэр хэмжээндэ үнгэргэгдэһэн байна.

 

Энэ мүрысөөндэ Росси, Япон, Хитад, Болгари, Киргиз, Казахстан, Урда Солонгос, Канада, Монгол оронуудай эрхим бэрхэ 200 тамиршад хаба шадалаа туршалсаа. Тэдэнэй дунда Ага-Хангил нютагһаа гарбалтай барилдаашан Балдан Цыжипов түгэсхэлэй мүрысөөндэ илгаржа, 125 килограмм шэгнүүртэ барилдахадаа, бүхэ барилдаагаар Россиин чемпион М.Магомедовые булижа, түрүү һуури эзэлһэн байна. Уласхоорондын классай мастер Б.Цыжипов Россиин суглуулагдамал командын гэшүүн юм. 2017 ондо Буряад Уласай президентын шанда хүртэхын түлөө дүрэ буляалдалгын барилдаагаар турнирта илалта туйлаа һэн. Харин мүнөө олон гүрэнэй эрхим барилдаашадай дунда шалгаржа, тамирай һайн бэлэдхэлтэй байһанаа гэршэлээ. Илагша бүхэдэ 1000 американска доллар шан барюулагдаа бшуу.

 

Дэлгэрэнгыгээр 18-дахи дугаарта.

You have no rights to post comments