Тус мүрысөөн түрүүшынхеэ захиргаануудай хүдэлмэрилэгшэдэй хоорондо эмхидхэгдэһэн байна. Можын мүрысөөндэ кубогай түлөө Амидхааша, Согто-Хангил, Хүнхэр, Шулуутай, Урда-Ага, Будалан болон Шэнэ Орловск нютагуудай захиргаануудай толгойлогшонор, мэргэжэлтэд хабаадаа.
Мүрысөөнэй дүнгүүдээр, Согто-Хангилай можо (Баир Цыдыпов, Лариса Раднаева) илажа, кубогта хүртөө. Хоёрдохи һуури – амидхаашынхид (Тимур Базаров, Цырендулма Жапова), 3-дахиие урда-агынхид (Зоригто Дугаров, Татьяна Жамсаранова) эзэлээ.
Шатараар бүһэтэйшүүлэй дунда Цырен Цыбиков (Шулуутай) түрүү һуури эзэлээ, эхэнэрнүүдэй дунда – Цырендулма Жапова (Будалан).
Столой теннисээр Баир Цыдыпов (Согто-Хангил) Екатерина Студеникина (Шэнэ Орловск) хоёр 1-дэхи һууринуудта гараа.
Заншалта ёһоор шахпонгоор абаргые элирүүлгын мүрысөөндэ һонирхолтой, халуун тэмсэлэй удаа Сергей Цындымеев илаа, 2-дохи һуури Баир Дугаров эзэлээ, 3-дахиие – Балданжаб Дылгыржапов.
Эхэнэрнүүдэй дунда Сэсэг Жамьянова түрүүлээ, 2-дохи ба 3-дахи һууринуудта тус тустаа Соёлма Балданова ба Цыцыгма Бортоева гэгшэд гараһан байна.
Илагшад, шангай һууринуудые эзэлэгшэд грамотануудаар, спонсорнуудай, Эдуард Шойжиловай бүлын бэлэгүүдээр шагнагдаа.
Нордоп БАБУЕВА.
