Агын дасанай санаартан, Yбэр Байгалай хизаарай Засагай газарай дарганар, Агын тойрогой, аймагай, Ага тосхоной болон хүдөө һуурингуудай болон ажахынуудай хүтэлбэрилэгшэд, нютагаархиднай бэе бэеэ золгоо, угайнгаа сэргэдэ мүргөө юм.
   Удаань Агын соёлой байшанай хүдэлмэрилэгшэд Арьяа-Баалын магтаалаар баяр ёһолол эхилээ, морилжо бууһан айлшадые алда хадагаар золгоо. «Мүнөөдэр Шэнын 1-дэ нэгэ наһа нэмэжэ байнабди. Бэедээ үбшэгүй, сэдьхэлдээ зоболонгүй, аха захатанаа золгожо, бултадаа эбтэй ажаһууял даа», - гэжэ Үбэр Байгалай хизаараар дид хамба Цырен ламхай амаршалба. Үбэр Байгалай хизаарай амбан захирагша Александр Осипов арад түмэниие амаршалаад, бүхы муугаа үнгэрһэн жэлдэ орхёод, Сагаан һарада арюун сэдьхэлтэй, һайн эрмэлзэлтэй, бэе бэедээ туһалжа ябаял даа гэжэ үреэгээ. Үбэр Байгалай хизаарай Засагай газарай түрүүлэгшын орлогшын, Агын Буряадай тойрогой Захиргаанай хүтэлбэрилэгшын уялга дүүргэгшэ Базар Дугаржапов болон Агын аймагай захиргаанай толгойлогшо Насак Бабужапов хүхэ модон Луу жэлдэ арад зондо сагаан харгытай, сагаан сэдьхэлтэй, сэсэн бодолтой, амгалан байдалтай, олон дээрээ олон боложо, хэшэг ехэтэй ябахые хүсөө.
   Нордоп БАБУЕВА.

You have no rights to post comments