Базаржап Жамбалнимбуев 1982 ондо Ага тосхондо түрэһэн. Бага байхадань, гэртэхиниинь Хүнхэр нютаг зөөжэ ошоһон ха. 2000 ондо Хүнхэрэй дунда һургуули дүүргээд, тэндээл хүдэлжэ ябаһан Базаржап Болотович 2022 ондо контракт баталжа, сэрэгэй тусхай үйлэ хэрэгтэ хабаадахаяа мордоо. Тэндэ габьяа харуулһанайнгаа, дайшалхы даабаринуудые шэн зоригтойгоор дүүргэһэнэйнгээ түлөө тэрэ гүрэн түрын зүгһөө «За отвагу» медаляар шагнагдаһан юм. 2023 оной февраль һарада гурбан хүүгэдэй эсэгэ Базаржап Жамбалнимбуев Артёмовск хотодо дайшалхы даабари дүүргэжэ ябаһаар, ами наһантаяа хахасаһан байна.

You have no rights to post comments