“Урда-Ага” хүдѳѳ һууринай Баян-Булаг нютагта дайнай ара талын ажалай хоёр лэ ветеранууд: Жамьянова Жигзыма ба Долгорова Цыпелма эгэшэнэр үлэнхэй.

 

Тэдэниие болон мүнѳѳ 82-дохи наһандаа ябаһан, дайнай үлэсхэлэн жэлнүүдые, хүгшэд хүүгэдэй ажал (ѳѳһэдѳѳшье тугал буруугаа харалсаһан, үнеэ һаалсаһан), Илалтын хүрэжэ ерэһые тон һайнаар һанадаг, залуу үетэндэ хѳѳрэдэг ажалай ветеранууд: Далаев Дашиба ба Чирнинова Цындыма аха захатанаа Агуу Илалтын һайндэрѳѳр нютагайхид амаршалба. Соёлой байшан соо эмхидхэгдэһэн баяр ёһололто митингын эсэстэ Эсэгын дайнда хабаадагшадай дурасхаалта самбарта гүрлѳѳ сэсэг табигдаа. Гүрлѳѳ сэсэг табиха эрхэ баруун дайнда хабаадаһан артиллерист Балдан Юндуновай ба япон милитаристнуудые даралсаһан Дамдинжаб Загдаевай хүбүүдтэ болон Корейн “нюуса” дайнда хабаадаһан Дашинима Жамбаловай зээ хүбүүндэ үгтэһэн байна. Бүхэроссиин “Бессмертный полк” акци дэмжэжэ, арба гаран баян-булагайхид дүтынгѳѳ зоной – дайнда хабаадагшадай дүрэ-зурагуудые баряад ерээ. Удаань һурагшадай болон “Онон” ТОС-ой эдэбхитэдэй хүсѳѳр концерт эмхидхэгдээ, ара талын ажалай болон ажалай ветерануудта һайндэрэй шэрээ дэлгээгдээ.

 

Дэлгэрэнгыгээр 19-дэхи дугаарта.

You have no rights to post comments