Булат 1990 ондо түрэһэн, морин жэлтэй юм. Тэрэ ерэхэ Сагаалган соогуур үетэнтэеэ жэлээ оруулха. Нютагай заншалта ёһоор, жэлээ оруулжа байһан хүбүүд ба басагад тоонто нютагтаа бэлэг баридаг гээшэ. Тиимэһээ үнгэрэгшэ Сагаалган соогуур эмхидхэлэй хороондо Буладай нютагтаа морин хуурай хүшөө бария гэжэ хэлэхэдэнь, үетэниинь дэмжэһэн байгаа. Булат Мергеев Зугаалайн «Дэчен Чойнхорлинг» дасанай шэрээтэ Батор Митуповтай зүбшэлсэжэ, ажалаа хэжэ эхилээ. Һара хахад саг соо Булат нүхэдтэеэ хамһажа, морин хуур дээрэ наадажа байһан «Зугаалай баабай» хүшөө бодхоогоо. Барилгын хэрэгсэлнүүдые үетэниинь мүнгэ суглуулжа үгэһэн байна.
   Буряад Уласай мэдээжэ уран барималша Александр Миронов хүшөө хаража, үндэр сэгнэлтэ үгөө. Тиигэжэ июниин 24-дэ, Дүйсэн үдэр, хүшөө нээлгын баяр ёһолол үнгэргэгдөө. Хэмжээ ябуулгада хабаадаһан олон хүн хүшөө зохидшоожо, Буладта ехэ баяр баясхаланиие хүргэһэн байна.

You have no rights to post comments