Ушарынь гэхэдэ, Агын Буряадай тойрогой 689 выпускнигуудай дундаһаа һургуулияа амжалтатай түгэсхэһэн 103 хүбүүд басагад ёһологдобо. Эдэ медалистнуудай хажуугаар тамирай, зохёохы талаар талаан бэлигээ харуулжа, түрэл һургуулияа, тойрогоо, хизаараа алдаршуулһан болон ниигэмдэ туһатай үүсхэл ехэтэй түгэсхэгшэдшье хүндэлэн ёһологдоо.
   Агын Буряадай тойрогой Захиргаанай хүтэлбэрилэгшэ Базар Самбаевич Дугаржапов шагналда хүртэгшэдые, һургуулияа дүүргэһэн залуушуул болон багшанарые амаршалаад, «Дээдэ гарай мэргэжэлтэд боложо, амжалтада хүртэжэ, заабол тоонто нютагаа суг хамта хүгжөөлсэхэеэ нютаг нугаяа бусахыетнай хүсэнэб», - гэжэ хэлэһэн байна.

You have no rights to post comments