Хүдөө буусануудаар хонидой түрэлгэ түгэсэжэ байна.
Тойрогой хамтын ажахынуудаар 67591 эхэ хонинһоо түл абтана. Майн 20-ой байдалаар, 54105 эхэ хонин нарайлаад байна. Сакманаа дүүргэһэн хонишод эмнеэгээ хэнэ. Байгша ондо ажахынууд түсэбтөө хүрэмэ хурьга абаба. Орой намар үрэжүүлгэ хэгдэһэн буусануудаар түл абалга үргэжэлһөөр. Тойрогой Захиргаанай мал ажалай талаар мэргэжэлтэн Жаргал Галсановай хэлэһээр, июниин 1-эй урда тээ түл абалга түгэсэхэ болзортой. Эгээл олон эхэ хонидтой ажахынууд: Агын аймагта «Согто-Хангил» - 5452, «Хүнхэр» - 5004, Могойтын аймагта «Догой - 5210, «Ленинэй» нэрэмжэтэ (Зугаалай) - 4300, Дулдаргын аймагта «Родина» (Зүдхэли) - 5500, тиимэһээ эдэ ажахынуудаар түл абалга түлэг дундаа. Түл абалгын дүнгөөр зууһаа зуу гаран хурьга абаһан хонишодой тоо олон байхаар хүлеэгдэнэ.
Дэлгэрэнгыгээр 21-дэхи дугаарта.
