Тус хуралдаанай нээлгын баяр ёһололдо айлшаар Россиин Федерациин сенатор Баир Жамсуев, Россиин Федерациин Гүрэнэй Дүүмын депутадууд Андрей Гурулёв, Александр Скачков, Үбэр Байгалай хизаарай амбан захирагшын орлогшо Наталья Щербина, Агын Буряадай тойрогой Захиргаанай хүтэлбэрилэгшын уялга дүүргэгшэ Ананда Дондоков, Үбэр Байгалай хизаарай Һуралсалай яаманай сайд Марина Секержитская, Үбэр Байгалай хизаарай нютаг можын таһагай «Единая Россия» намай гүйсэдхэхы хорооной хүтэлбэрилэгшэ Наталья Куземская, мүн Үбэр Байгалай хизаарай засаг зургаанай түлөөлэгшэд, Үбэр Байгалай хизаарай Хуули тогтоолгын Суглаанай депутадууд, муниципальна тойрогуудай толгойлогшонор, сэрэгэй тусхай үйлэ хэрэгтэ хабаадажа ябаһан сэрэгшэд гэхэ мэтэ ерээ.
   Тус хэмжээ ябуулга Ононой, Дулдаргын, Агын, Могойтын, Карымай, Шэтын, Кырагай, Акшаагай тойрогуудай ба Шэтэ хотын, Ага тосхоной түлөөлэгшэдэй хабаадалгатайгаар үргэн дэлисэтэйгээр эмхидхэгдэһэн байна.
   Нээлгын баяр ёһололой һүүлээр хабаадагшад 4 секцидэ хубаараа. «Первичное звено: от Фапа до поликлиники» гэһэн 1-дэхи талмайда эмнэлгын талаар асуудалнууд байгаа. Тиихэдээ хабаадагшад холо ойрын нютагуудай ажаһуугшадые эмнэлгын талаар, һүүлшын технологи болон зэмсэгүүдээр хангалга гэхэ мэтэ асуудалнууд бодхоогдоо. Хүн зоной энхэ элүүр һайжаруулха талаар хөөрэлдөөн болоо.
«Инфраструктура для жизни» гэһэн талмайда бэеэ һорилго, энхэ элүүр, мүн шэнэ тамирай байшануудые бодхоолго тухай зүбшэлсөө. Тиихэдээ хүниие тамирта дуратай болгохо талаар элдэб программа болон түсэлнүүдые бэелүүлхэ тушаа хөөрэлдөө.

You have no rights to post comments