Хэмжээ ябуулгын эхиндэ соёлой байшаниие даагша Бато Шагдаров бүгэдэ сугларагшадта халуун мэндые хүргөө. Тэрэнэй мэдүүлһээр, 2019 ондо нютагайнгаа хүгжэлтэдэ горитой хубита оруулһан зонойнгоо дурасхаалда гү, али ойн баярта зорюулагдаһан үдэшэнүүдые эмхидхэдэг байха тухай үүсхэл гаргагдаад, жэл бүри үнгэргэгдэдэг байгаа. Үнгэрэгшэ жэл Агуу Илалтын 80 жэлтэй дашарамдуулан, дайнда ошоод, амиды бусаһан 4 аха дүүнэр Дымбрыловүүдэй дурасхаал хүндэлһэн үдэшэ болоо һэн. Мүнөө Россида арадуудай нэгэдэлгын жэлдэ зорюулан, нютагайнгаа Эхэ-Геройнууд: 10 хүүгэдтэй Норжимо Ешижамсоева, 9 хүүгэдтэй Бутит Содномова, 11 хүүгэдые хүмүүжүүлһэн Клара Юмсунова, 12 хүүгэдэй эхэ Сымжит Жалсанова, 11-11 хүүгэдтэй Флюра Ярмухаметова ба Екатерина Анисимова тухай дурсаба.
   Энэ үдэшэдэ хаа-хаанаһаа үри хүүгэд, хүрьгэд бэреэд, аша зээнэрынь, түрэлхидынь, нютагайнь зон суглараа, Холуур байдаг хүүгэд болон аша зээнэрынь видео-буулгабариин ашаар эжы, хүгшэн, нагаса эжынэр тухайгаа дулаахан үгэнүүдые хэлээ.

You have no rights to post comments