Ага тосхоной «Бүргэд» тамирай байшан соо багжагар бэетэй, шандааһатай бүхэшүүлэй барилдаанай һайндэр үндэр хэмжээндэ эмхидхэгдээ. Эртэ урда сагһаа элинсэг хулинсагуудай найр нааданда – бүхэ барилдаанда дуратайшуул олоор суглардаг байһан гээшэ. Мүнөөшье шамбайшуул хаба шадалаа туршалсахаяа, дүрэ мэхэеэ буляалсахаяа бууһан байна. Сэрэгэй тусхай үйлэ хэрэгтэ хабаадаһан, гэртээ амаралтада ерээд байһан сэрэгшэд мүрысөөндэ уригдаһан юм.
   Үдын 12 сагта мүрысөөнэй нээлгэ эмхидхэгдэжэ, хүндэтэ айлшад: сенатор Баир Жамсуев, Агын Буряадай тойрогой Захиргаанай хүтэлбэрилэгшын уялга дүүргэгшэ Ананда Дондоков, хизаарай Хуули тогтоолгын Суглаанай түрүүлэгшэ Кон Ен Хва, депутадууд Сокто Мажиев, Жаргал Жапов, дүрэ буляалдаата барилдаанай хизаарай федерациин юрэнхылэгшэ Дашинима Батоболотов, «Бүхэ барилдаан» буряад барилдаанай федерациин юрэнхылэгшэ Жаргал Жигжитжапов, мүрысөөнэй ахамад шүүгшэ Саян Базаргуруев гэгшэд амаршалгын үгэнүүдые хэлээ.

You have no rights to post comments