Номой автор – сэтгүүлшэ, нии-тэ ажаябуулагша, нютаг ороноо шэнжэлэгшэ, түүхын эрдэмүүдэй кандидат Александр Олегович Баринов. Тэрэнэй түрүүшын ном 1999 ондо хэблэгдэһэн. Александр Олегович 5 номой автор юм. Мүн Үбэр Байгалай хизаарай түүхэ шэнжэлжэ, «Восточный рубеж. Очерки по истории ЗабВО и Забайкальского фронта в период Второй мировой войны (1937-1945 гг.)» номоо хоёрдохёо хэблүүлээ.
   «Энэ номдо шэнэ баримтанууд ороходоо, удхань нэмэгдэжэ, шэнээр хэблэгдээ. Тиимэһээ шэнээр бэшэгдэһэн ном гэхэдэ алдуу болохогүй. 1939 ондо Германи Польшо гүрэндэ добтолжо, Дэлхэйн 2-дохи дайн эхилһэн гэжэ һургуулида үзэдэг түүхын ном соо бэшэгдэдэг гээшэ ааб даа. Баримтануудта үндэһэлжэ, 1937 ондо Дэлхэйн 2-дохи дайн эхилһэн гээд хэлэхэ байнаб. Юундэ Дэлхэйн 2-дохи дайн Европодо эхилээд, зүүн зүгтэ оршодог гүрэндэ дүүрэһэн гээшэб гэһэн асуудалда абтадаг һэм

You have no rights to post comments