Түсэл Үнгын голой мэдээжэ үльгэршэдтэ, «Гэсэр» гэһэн баатарлиг эпос түүрээгшэдтэ зорюулагдаа юм.
   Скверэй нээлгэдэ Новонукутский муниципальна тойрогой толгойлогшо Александр Платохонов, «Приморский» КФХ-гай правлениин түрүүлэгшэ Алексей Иванов, уран барималша, уран зохёолшо болон Папа Тушемиловэй аша хүбүүн Виктор Тушемилов гэгшэд баярай үгэнүүдые хэлэһэн байна.
   Үнгын голой гайхамшагта үльгэршэд, «Гэсэр» эпос түүрээгшэд, буряад арадай гүн ухаата зон, буряад арадай ёһо заншалнуудые шэнжэлэгшэ-эрдэмтэд – Матвей Хангалов, Пёохон Петров, Папа Тушемилов, Парамон Дмитриев, Александр Васильев болон Бажей Жатухаев гэгшэдтэ бюстнүүд табигдаа.

You have no rights to post comments