1941 оной июниин 22-то Германиин нацистнууд манай гүрэндэ һураг дуугүйгөөр добтолжо, Агууехэ Эсэгын дайн эхилһэн түүхэтэй. Хорото дайсанаа дарахаяа СССР гүрэнэй арад нэгэн дуугаар бодожо, Илалта шэрээлсэһэн юм.
   1996 оной июниин 8-да Россиин Юрэнхылэгшын Зарлигаар энэ үдэр мүнхэ дурасхаалай, уйдхар гашуудалай үдэр гээд соносхогдоһон. Жэл бүхэндэ хаа-хаанагүй митингнүүд үнгэргэгдэжэ, тугууд буулгагдадаг заншалтай.
   Мүн 2020 оной апрелиин 1-дэ Россиин Федерациин Юрэнхылэгшэ Владимир Путин энэ үдэр бүгэдэ арад зон московско сагаар 12 час 15 минутаһаа эхилээд, минутын туршада абяагүй байха (минута молчания) тухай нэмэлтэ оруулһан.
   Эсэгэ ороноо хамгаалһан 10 ветерануудай дүрэ зурагууд «Слава» аллейдэ зохёогдонхой. Митингдэ хабаадагшад ветерануудаа хүндэлэн ёһолжо, сэсэгүүдые табяа.

You have no rights to post comments