Ушар юуб гэхэдэ, Ага нютагай эрхим хүбүүдэй нэгэн, парторг, зүблэлэй түрүүлэгшэ ябаhан, ажалай ветеран Балдан Базаровай түрэhөөр 100 жэлэй ойгоор дашарамдуулан, хүүгэдынь, аша гушанарынь дурасхаалта шангай түлөө hур харбалгаар мүрысөө эмхидхээ.
   Баяр ёhололто hайндэрые хүбүүдынь – Радна-Нима ба Бамбал Базаровууд нээбэ. Агын Буряадай тойрогой Захиргаанай тамир хүгжɵɵлгын таһагай дарга Булат Бальжинимаев ба Агын муниципальна тойрогой соёлой, тамирай ба залуушуулай политикын хорооной түрүүлэгшын орлогшо Жаргал Дондоков сугларагшадые амаршалжа, энэ хэмжээ ябуулгын онсо удха шанартай байhые тэмдэглэбэ. Орос Уласай Уран зохёолшодой холбооной гэшүүн Дугарма Батоболотовагай шүлэг, Балдан Базаровай аша хүбүүн Баяр Балдановай гүйсэдхэhэн «Минии аба – адуушан хүн» гэhэн дуун олондо hайшаагдаба.

You have no rights to post comments