Агын аймагай аман зохёолой «Түмэн Жаргалан» бүлгэмэй тоосоото концерт-наадан июниин 19-дэ Агын соёлой байшан соо 2 часай туршада үргэлжэлһэн байна.

 

"Түмэн жаргалан" бүлгэмэйхид ёохор хатарна.

 

Тиихэдээ буряадай хэр угһаа сахижа байһан «Эмнеэгэй наадан» гэһэн ёһолол һайн дуранай артистнар абьяастайгаар харуулжа, олоной һайшаалда хүртѳѳ. Жэнхэни буряад хубсаһатай хүгшэн, нагаса аба эжынэр, ахай абгайнар тайзан дээрэ гаража, табан хушуун малаа магтан, һайхан зүжэглэмэл наада харуулаа. Нэрьелгэ, жороо үгэ, таабари, дуу андалдаан, ёохор наадан тайзан дээрэ дэлгээгдээ бшуу. «Урдань айл бүхэн хонитой байһан. Малаа барижа, айраг тарагаа буйлуулжа, һү мяхатай, сагаан хэшэгтэй ябая!» - гэжэ тус бүлгэмэй хүтэлбэрилэгшэ, Шэтын можын соёлой габьяата хүдэлмэрилэгшэ Сэсэгма Жамбалова нютагайхидтаа хандаа юм. Сэсэгма Цыдыповна «Түмэн Жаргалан» бүлгэмые 28 жэлэй туршада хүтэлбэрилэн ябана. ВСГАКИ-гай аман зохёолой таһаг түгэсхэһэн мэргэжэлтэн Солбон Жамбалов энэ удха шанартай ёһолол найруулан табяа, морин хуураар наадажа, хѳѳмэйн дуу гүйсэдхѳѳ бшуу. Табан хадагай магтаал гүйсэдхэгшэд С.Жамбалова, Ц.Цыбенова, Ц.Цыренова, Ж.Найданова ба О.Цыбенова, эдирхэн А.Чимитова, акробатическа упражнени харуулһан 75 наһатай Н.Цыренжабэй ба бэшэн концерт-наада шэмэглээ. Аман зохёолой бүлгэм шэнэ гэшүүдтэй болоһон байна.

 

Дэлгэрэнгыгээр 25ахи дугаарта.

You have no rights to post comments