Ноябрь һараһаа Агын Буряадай тойрогой хүдѳѳ һуурин бүхэндэ һарын 1-дэхи ба 3-дахи долоон хоногой средада нэгэ доро нэгэл кино харуулагдаха.
Энэ проектые сенатор Баир Жамсуевай, Агын Буряадай тойрогой болон гурбан аймагай захиргаануудай, “Алтан жаса” хизаар ороноо шэнжэлэлгын клубай, кино ябуулгын ажалай ветеран Д.Б.Дашиянжиповай дэмжэлтээр Улаан-Үдын “Возрождение” киностуди (хүтэлбэрилэгшэнь – Баир Уладаев) бэелүүлнэ. Тиигэжэ ноябрь һарада тойрогоймнай ажаһуугшад буряад кинофильмуудтай танилсаха. Ноябриин 2-то - “Живи”, ноябриин 16-да “Сэржэм” гэһэн кинонууд нютаг бүхэндэ харуулагдаха. Харин декабрь һарада яхад кинонуудтай танилсаха, саашадаа Россиин үндэһэ яһатан бүхэнэй, мүн монгол кинонууд дурадхагдаха юм. Иимэ ажаябуулгын ашаар Киногой жэлэй хэмжээндэ нютагайхиднай шэнэ кинофильмуудые хото городойхидһоо үлэнгүй, зэргэ хараха аргатай болохо бшуу.
Дэлгэрэнгыгээр 43-дахи дугаарта.
