Тээсгэн спиннер тухай бэшээ һэмди. Тиихэдэ гансал һайн талануудтань анхаралаа хандуулһан байгдана. Зүгтѳѳ энэ нааданхай аюултай гэһэн һанамжануудые зарим экспертнүүд хэлэдэг, эмнэлгын ажалтадшье болгоомжолхые уряалдаг байна.
Энэ нааданхайгаар ехэнхидээ хүүгэд наадана. Спиннер юугээрээ аюултайб гэхэдэ, хүүгэдэй хэбтэмгэшээ наадаха үедэнь нааданхайн жэжэ хубинууд эбдэрэн абтажа, ама хоолой руунь орошоно. Үгышье һаа, багашуул нааданхайн жэжэ хубинуудые амандаа, хамар соогоо хэжэ, тэрэнь тогтошохо, амисхалай органуудыень хааха ушарнууд тохёолдодог. Гадна жэжэ хубинь ойлгомторгүй залгигдажа, хото соо тогтошохо ушар тухай мэдээсэгдэнэ. Нааданхай эрьюулдэг эршэгэнүүрынь (волчок) шэлжэрүүхэй байжа, гарһаа һолжорон мултархадаа, хүнэй нюдэ аманда сэхэ буужа гэмтээнэ, арһа мяха шулгалдаг байна. Тиихэдэ хара туулганаар хэгдэһэн эдэ нааданхайнуудһаа боложо, наадагшад аллергиин, мэнгээрһэн хоолойн астма үбшэнгүүдтэ дайрагдана. Тиимэһээ спиннер хадаа аюултай нааданхай гэжэ анхаралаа хандуулхаар байна.
Дэлгэрэнгыгээр 31-дэхи дугаарта.
