Буряад Уласай правительствын эрдэм һуралсалай сайдаар Агын аймагай Һүдэнтэ нютагһаа гарбалтай Баир Жалсанов томилогдоо.

 

Энэ томилолго тухай зарлиг республикын толгойлогшо Алексей Цыденов октябриин 19-дэ гаргаа юм. Эрдэм һуралсалай министр байгша Алдар Дамдиновай Гүрэнэй Дүүмэдэ ошоходо, Баир Баторович 2016 оной сентябрь һараһаа энэ ажаллаа тушаалда уялга дүүргэгшээр ажаллаа.

Баир Жалсанов 1975 оной майн 24-дэ түрэһэн юм. Буряадай гүрэнэй университедэй хэлэ бэшэгэй факультет дүүргээ. Һүдэнтын дунда һургуулида буряад хэлэнэй ба литературын багшаар, Буряад гүрэнэй телерадиокомпаниин буряад хэлэн дээрэ дамжуулагдадаг зохёолой таһагые даагшаар, Буряад ороной эрдэм һуралсалай яаманай ниитэ һуралсалай таһагай гол мэргэжэлтэнээр, Буряад Республикын үндэһэтэнэй 1-дэхи лицей-интернадай директорээр хүдэлөө. 2014 ондо министрэй орлогшоор – Буряад гүрэнэй эрдэм һуралсалай ниитэ ба нэмэлтэ һуралсалай хорооной түрүүлэгшээр томилогдоо бэлэй.

You have no rights to post comments