Дулдарга һууринда тойрогой арадай театрнуудай зүжэг наада табидаг бүлгэмүүдэй хоорондо ба буряадай драматург Даширабдан Батожабайн нэрэмжэтэ харалга-конкурс ноябриин 24-25-ай үдэрнүүдтэ эмхидхэгдэхэнь.
Байгша ондо тус конкурс тойрогой байгуулагдаһаар 80 ба хизаарай буряад соёл хүгжөөлгын түбэй 50 жэлнүүдэй ойн баярай хэмжээндэ үнгэргэгдэнэ. Дулдаргын тайзан дээрэ артистнар зүжэг наадажа, зониие энеэлгэхэ, хүхеэхэ талаан бэлигээ харуулха ба шэнэ зохёолнуудаа дурадхаха болоно. Хамтадаа тойрогой 8 театр ба бүлгэм наада харуулха юм. Олонхинь зүжэглэмэл наадануудай лауреадууд, нэрэмжэтэ шангуудта хүртэһэн нэрэтэй, солотой артистнар, режиссёрнууд болоно бшуу. Һануулхада, түрүүшын конкурс Могойтын аймагай Догой нютагта 1989 ондо үнгэргэгдэһэн байна. Жэл бүри конкурс үндэр хэмжээндэ үнгэргэгдэжэ, наада хараха дуратайшуулые олон болгоно.
