Могойтын аймагай 75 жэлдэ зорюулагдажа, хүдөө һуурингуудта соёлой үдэрнүүд үнгэргэгдэнэ.
Жэшээнь, концерт-нааданууд, уулзалганууд, һонин баримтануудтай үзэсхэлэнгүүд эмхидхэгдэнэ. Хүдөөгэй соёлой байшангууд, музейнүүд, номой сангууд үүдэеэ үргэнөөр сэлижэ, аша үрэтэй хэмжээ ябуулгануудта олон хүн, талаан бэлигтэн хабаадана. Тон түрүүн Догой ба Ага-Хангил нютагайхид ялас гэмэ абьяас бэлигээ харуулаа.
