Агын Буряадай тойрогой 80 жэлэй ойгоор дашарамдуулан, Забайкалиин хизаарай Агын бэдэрэлгэ-абаралгын албанай абарагша Галсан Гомбоев «Забайкалиин хизаарай бэдэрэлгэ абаралгын албанай габьяата хүдэлмэрилэгшэ» гэһэн нэрэ зэргэдэ хүртөө.
Б.Доржиев (зүүн гарһаа), Г.Гомбоев.
Галсан Доржиевич тус тушаалда энэ албанай нээгдэһээр лэ, 2000 онһоо, үнэн сэхээр таһалгаряагүй хүдэлһөөр шуу. Тиихэдээ Рязань хотодо хүнгэн авиациин пилот мэргэжэлтэй болоһон. Урид ой хамгаалдаг агаарай албанда түймэр саралгын албанай инструктор-парашютистээр 6 жэлэй туршада хүдэлһэн дүй дүршэлтэй.
