Забайкалиин хизаарай Ц.Жамцараногой нэрэмжэтэ номой сангай уншагшадые номоор хангалгын таһагай ажалтад К.Базарсадаевай нэрэмжэтэ Агын хүүгэдэй уран урлалай һургуулида «Мастерица – золотые руки» хэшээл-уулзалга үнгэргөө. Энэ уулзалга уншалгын танхимай гол мэргэжэлтэн Ц.Цыриторова эмхидхээ.
Энэ хэмжээ ябуулга Агын хүүгэдэй уран урлалай һургуулиин уран һайханай таһагай багша Дулма Балдановатай суг эмхидхэгдээ. Д.Балданова уласхоорондын «Алтаргана-2016» фестивальда «Сувениры в национальном стиле» конкурсдо лауреадай нэрэ зэргэдэ хүртэһэн. Тэрэ хизаарай уран зураашадай харалгануудта, уласхоорондын «Алтаргана» фестивальнуудта, «Сочи-2014» Олимпиин наадануудай бүхэроссиин уран зураашад-прикладнигуудай үзэсхэлэндэ, хизаарай «Сагаалган» конкурс-үзэсхэлэнгүүдтэ амжалтатай хабаадаһан юм.
Номой сангай ажалтан уулзалгын эхиндэ гартаа дүйтэй Д.Балдановагай зохёохы ажалтай танилсуулаа. Һүүлээрнь Дулма Жамбаловна Агын тойрогой гимназиин һурагшадта бүтээлнүүдээ харуулжа, буряад хүүхэлдэйнүүдые зохёолгоор мастер-класс үнгэргөө.
