Мүнөө үеынхидэй амгалан тайбан ажаһуухын түлөө дайнай газарта алдалан унаһан, ара талада ажал хэжэ ябаһан, дайнһаа бусаадшье наһан болоһон зоной дурасхаалда энэ хүшөө бодхоогдобо. Хүдөө һуурингуудые хүгжөөлгын программын хэмжээндэ шүүгдэһэн грантын хоёр сая хүрэхэгүйхэн түхэриг мүнгэн дээрэ нютагай зон 500-гаад мянган түхэриг суглуулһан байна. Энэ талаар эмхидхэлэй ехэ хэмжээнэй ажал толгойлогшо Зоригто Дугаровай ударидалга доро нютагай захиргаанай, соёлой болон һуралсалай һалбариин ажалтад ябуулаа.

Хүшөөгэй хара гантиг шулуун дээрэ дайнда хабаадаһан 335 хүнэй нэрэ обог, тиихэдэ баруун талынь дурасхаалай ханада дайнай ара талада ажаллаһан 1312 хүнэй нэрэ обог мүнхэлэгдөө. Эндэ нютагай музей даагша Батор Батожаргаловай шэнжэлэлгын нягта ажал тэмдэглэхээр.

Митингдэ нютагай үндэр наһатан, Агын тойрогой болон аймагай засаг зургаануудай түлөөлэгшэд, сэтгүүлшэд хүндэтэ айлшадаар уригдаһан байна.

Дэлгэрэнгы репортаж «Толоной» удаадахи дугаарта толилогдохо.

You have no rights to post comments