Эндэ Агын Буряадай тойрогой Захиргаанай хүтэлбэрилэгшэ Буянто Батомункуев тойрогой Захиргаанай, Үбэр Байгалай хизаарай Засагай газарай зүгһөө бүгэдэ зониие Агууехэ Илалтын 75 жэлэй ойгоор амаршалаа. Мүн Агын тойрогой ажаһуугшадай Илалта шэрээлсэхэ хэрэгтэ горитойхон хубита оруулһыень, Агууехэ Эсэгын дайнай ветерануудаа, ара талада ажаллаһан зоноо мартангүй, хүндэлжэ, дурсажа, омогорхожо ябаха, хүүгэдтээ тэдээн тухайгаа хөөрэжэ байха ёһотойбди гээд тэмдэглээ. Удаань Агын тойрогой Наһатайшуулай Зүблэлэй түрүүлэгшэ Цырендаши Санданов үгэ абахадаа, тойрогоймнай 300-гаад ара талын хүдэлмэрилэгшэд ба дайнда нүхэрөө алдаһан эхэнэрнүүд, Эсэгэ ороноо хамгаалгын дайнай арбан лэ ветеранууд бидэнтэй суг хамта мүнөө эдэ ойн баярнуудые тэмдэглэжэ байна гээд, Эсэгын дайнда хабаадаһан ветерануудые бултыень нэрээрнь нэрлээ.

Тэрэнэй удаа Агын тойрогой засаг зургаануудай түлөөлэгшэд, хабаадагшад сэрэгшэ хүбүүдэйнгээ дурасхаал хүндэлэн, хүшөөдэ сэсэгүүдые табяад, минутын туршада шэмээ аниргүй зогсоо. Мүн заншалта ёһоор, баатаршалга гаргаһан зонойнгоо мүнхэ дурасхаал хүндэлэн, гурба дахин буу һүргэгдөө бшуу.

You have no rights to post comments