СССР-эй арадай артист, Агын тойрогой хүндэтэ эрхэтэн, Гүрэнэй Дүүмын депутат Иосиф Давыдович Кобзон сентябриин 11-дэ 83-тай болохо байгаа. Мүнөөдэр Баатарнуудай Аллей дээрэ Росси гүрэнэй Ажалай Баатарай дурасхаалда зорюулһан хэмжээ ябуулга үнгэрөө.
Агын тойрогой болон Ага тосхоной захиргаануудай түлөөлэгшэд, юрын ажаһуугшад сугларжа, Кобзоной бюстдэ сэсэгүүдые табиба.
"Толон" һониной инстаграммда хэмжээ ябуулгын сэхэ дамжуулга харахаар.
