Россиин ахамад санитарна врачай баталһан зууршалалгаар, нютаг бүхэндэ хизаарлагдаһан хорилтонууд бага багаар болюулагдажа эхилхэ. Тиигэхын тула үбшэнтэдые аргалха сүлөө һууринууд байха, уушханай хадхаляада дайрагдаһан зоной долоон хоногой тоо бүридхэгдэжэ байха шухала. Хоёрдохи шатада ороходо ехэ талмайтай худалдаа наймаагай, эрдэм һуралсалай эмхинүүд ажалаа ябуулха аргатай болохо. .Тиибэшье зарим хорюулгын хэмжээнүүд зандаа үлэхэ. Мүнөөдэрэй байдалаар, наймаагай газарнууд санитарно-эпидемиологиин эрилтэнүүдые сахижа, хүдэлжэ эхилэнхэй. Тодорхойлходо, баг (маска), социально зай барилга, дезинфекци үнгэргэлгэ. Эдеэ хоол баридаг кафе, гостиницанууд, аяншалалга, тамирай байшангууд хүдэлнэгүй, хорюултай зандаа.

You have no rights to post comments