Пермь хотодо ноябриин 8-да үнгэргэгдэһэн бүхэ барилдаагаар түрүү һуури эзэлхын түлөө Россиин мүрысөөндэ Амидхааша нютагай 16 наһатай Чингис Цыренжапов хүлэр медальда хүртөө юм.
Агын аймагай ДЮСШ-гай багша Болот Баясхаланов эдир барилдаашанай түрүүшын һоригшо болоно. Чингис хүбүүн дүршэлтэй һоригшын ударидалга доро эдиршүүлэй дунда Россиин, Сибириин федеральна тойрогой, Забайкалиин хизаарай, Агын тойрогой чемпион болоһон байна. Мүнөө Чингис Цыренжапов Улаан-Yдэ хотын тамирай колледждо һурадаг.
Жалсан ЛУБСАНДАШИЕВ.
Урта нютагай һургуулиин үхибүүд гар бүмбэгэ сохилгоор тойрог, хизаар соо эрхимүүдэй тоодо ябадаг юм.
Эндэ һая Шэтэ хотодо үнгэргэгдэһэн мүрысөөндэ уртынхид Могойтын аймагаа түлөөлжэ, 3-дахи һуури эзэлжэ, ехэ баяр болоо бшуу. Һоригшо Б-М.Рабданов хүбүүдэй команда бэлдэжэ, үндэр амжалта туйлаба. Командын бүридэлдэ Гуро Абидуев, Золто Бадмажапов, Доржи Гомбоев, Зандан Цындымеев, Доржи Цыденжапов, Пурбожап Цыденжапов, Санжи Цыденов, Батор Димчиков гэгшэд ороно. Наадагша Батор Димчиков эрхимээр наадажа, тусхай шанда хүртөө.
Д.ЧИМИТОВ.
Агын Буддын шажанай академи түрэл буряад арадайнгаа соёлой ба гүн ухаанай баялигтай залуушуулые танилсуулхын тула семинарнуудые ноябрь һарада эмхидхэнэ.
Вторник бүхэндэ үдэрэй гурбан сагһаа дасан хиидүүдэй досоо талын шэмэглэл тухай хөөрэгдэнэ, тэдэнэй удха тайлбарилагдана. Среда бүри энэл сагһаа дүршэл дадалай хэшээлнүүд үнгэргэгдэнэ.
Цымжидма ЦЫМПИЛОВА.
Дэлгэрэнгыгээр 46-дахи дугаарта.
