Мүнөө Үбэр Байгалай хизаар коронавирусай һүжэрэнги байдалһаа гараадүй байна. «Июниин 3-ай байдалаар, Агын Буряадай тойрогто тус үбшэндэ нэрбэгдэһэн 56 ушар, үбшэлһэн зонтой харилсаһан 489 хүн элирүүлэгдээ, 40 хүн арга абажа эдэгээ. Һүүлшын долоон хоног соо Ага тосхондо коронавирус үбшөөр халдаһан шэнэ 5 ушар болоо. Үбдэһэн зоной диилэнхи хубинь 30-40 наһанай хүнүүд болоно. Наймаа ябуулдаг, зондо элдэб хангалта (услуги) үгэдэг газарай, эмхи зургаануудай хүтэлбэрилэгшэд санитарна журам, аюулгүйе сахяагүй һаа, административна ялада унаха», - гээд Агын Роспотребнадзорой хүтэлбэрилэгшэ Б.Ракшаева мэдээсээ.

«Ондоо регионуудһаа ерэһэн зон энэ үбшэ тараана. Тиимэһээ шадаал һаа, нютагһаа гарангүй, ерүүл, олон хүнтэй харилсангүй байхые оролдохо хэрэгтэй. Мүн июнь һарада түсэблэгдэһэн хэдэн хэмжээ ябуулгануудые, тэрэ тоодо Зунай наада болигохо, Обоо тахилга ажаһуугшадай хабаадалгагүйгөөр үнгэргэхэ гэһэн шиидхэбэри гараа», - гэжэ Буянто Батомункуевай тэмдэглэһэн байна.

You have no rights to post comments