Мүнөө жэл аукцион үнгэргэгдэжэ, Агын аймагай захиргаан «Агинский мясокомбинат» ООО-той арендын хэлсээ баталһан байна. Тиигэжэ «Агинский мясокомбинат» ООО котельни, халуун болон хүйтэн уһан үгтэхэ хэрэгсэл, үүсэлэлгын (убойный) ба холодильна цехүүдэй түхеэрэлтэнүүдэй заһабарилгын ехэ ажал хэһэн байна. Хамта дээрээ 3 сая шахуу түхэригэй инвестици үгтэһэн юм. Заһабарилгын ажалай һүүлээр нэгэ халаанда 50 үхэр гаргаха аргатай үүсэлэлгын цех хүдэлжэ эхилхэ. Уридшалан үнэ сэн тогтоогдоһон, амиды шэгнүүрээр тобир тарган эбэртэ бодо малай 1 килограммынь 80 түхэригтэ, дунда зэргын мяхан – 75 түхэригтэ, дунда зэргэһээ доошо – 65 түхэригтэ байха юм. Сентябриин эсэстэ болон октябриин эхеэр хониной мяхан абтаха.
Агын мяханай комбинат хүдэлжэ эхилхэдээ, аймагай ажаһуугшадта ажалай нэмэлтэ һууринуудые үгэхэ, хүдөө ажахын өөрын эдеэ хоол үйлэдбэрилгын эршэ эршэдүүлжэ, регионойнгоо түрүүшүүлэй тоодо орохо гэжэ хүлеэгдэнэ.
